اشهر العبارات التي تقال علي السنه الاهل في مصر

السلام عليكم ورحمة الله وبركاته

اكيد كلنا نعرف عبارات كتيرة الاهل بيقولها لينا واحناهنقولها لعيالنا ده شيئ اكيد يعني

1- اطفي الي يتحرق ده وقوم اتنيل ذاكرلك كلمتين ينفعوك: طبعا بتطفيه وتدخل اوضتك تطلع على السرير وتحط الكتاب على وشك ولما يدخلوا عليك ( يا عيني ده نام وهو بيذاكر)......

2- خليك اسمع لعمرو دياب وابقى خليه ينفعك : مع انك بتسمع لواحد تاني خالص مش عمرو بس هم كل المغنين في نظرهم عمرو.......

3- دي اخرت الي ميسمعش كلام ابوه وامه : لو شلت مادة او عدت السنة لا قدر الله...............

..4- كل الاكل الي قدامك كله وما توقعش حاجة منه فيه ناس مش لاقية حباية الرز عشان تاكلها... مش محتاجة تفسير

5- خليك ماشي ورا اصحابك الصيع دول لما نشوف هيودوك على فين .....

..6- انا نفسي مرة اشوفك داخل على موقع ينفعك مش عمال تشيت مع الفشلة الي زيك

7- ايوه ياختي خليكي اتزوقي طول النهار اما نشوف اخرتك ايه....... دي بقى جميلة اوي وعجباني ههههههههه

8- الي يضربك اضربه وقطعه حتت وما تخليش حد يهزئك

9- ابقى تعالى قابلني لو نفعت ولا شفت خير

10- اتشطر على الي بيضربوك بره تيجي هنا تعمل نفسك راجل : مع انك معملتش حاجة لا جوه ولا بره!!!

وفي الاخر عايزه اقولكم اهلكوا اكتر ناس بيخافوا عليكوا وبيحبوكوا جدا وكل كلامهم ده عفوي

طب جرب انت كده تتعور ولا يحصلك حاجه شوف هيعملوا عليك ايه