الحب
الله على الكلمه دي!!
جميله.. رقيقه.. حساسه .. صادقه..بريئه..
محدش قدر يعرف الحب الا انه حب!!
اذا كنت عاوز تعرف يعني ايه حب تعالى نعمل التجربه البسيطه دي مع بعض
غمض عينك(بعد ما تخلص قراءه طبعا)اسرح شويه كمان ..كمان...كمان شويه بس كده كفايه..استحضر صوره واحد انت بتحبه قوي... فكر فيه... مثلا مثلا.. واحد صاحبك بتفضفضله مشاكلك وهمومك ..بتحس انك بترتاااح بعد ما بتكون حاسس ان الدنيا كلها فوق دماغك ..بتخرجوا مع بعض ..بتاكلوا مع بعض ..عارف اهله وعارفينك .. جدع جدا معاك وانت بتحب تبقى جدع معاه.. السؤال بقي:اذا غاب عنك كام يوم بعد ما كنت بتشوفه كل يوم..هتحس بايه؟!! وحشك اوي.. مش كده؟!!....
."هو ده الحب"
اديني سهلتها عليك .. جرب لوحدك المره دي اقعد وافتكر لما كنت تعبان.. نايم في السرير.. سخن وبتكح وحالتك صعبه!! وبتقول اه..مفيش حد جنبك غير امك .. قاعده بتنام علي يا رب اشفيلي ابني.. نفسك تقول ايه ساعتها؟!
"هو ده الحب"
معلش جرب تاني وانت بتقلب في التليفزيون.. لقيت واحد نازل بيشتم في دينك وبيقول كذا وكذا وانت عارف انه كداب.. نفسك تعمل ايه وقتها؟ تاكله مش كده!!عشان بتغير على دينك او.. بتحبه...
"هو ده الحب"
ماشي في الشارع .. لقيت واحد في الارض بيدور على حاجه ياكلها.. صعب عليك المنظر.. قمت حطيت ايدك في جيبك واديته اللي قدرت عليه وطيبت خاطره بكلمه حلوه..بتحب تعمل خير والحمد لله
"هو ده الحب"
بتحب امك .. بتحب ابوك.. بتحب اختك واخوك؟!!
"هو ده الحب"
بتحب بيتك .. بتحب الشارع بتاعك..بتحب بلدك؟!!
"هو ده الحب"
وطبعا طبعا وقبل كل ده بتحب ربك وبتحب رسولك "صلى الله عليه وسلم"وهو ده الحب الاكبر
"هو ده الحب"
معرفناش نكتب له تعريف!! الا انه حاجه متتكتبش !! الحب احساس جميل.. ما يتوصفش واخيرا عزيزي القاريء بقولك اني احبك في الله
هناك تعليقان (2):
فعلا هو ده الحب
بجد بوست راااائع
وفعلاه هو ده الحب بحبك في الله
ربنا يخليكي ليا يا حور قلبي
انا كمان بموت فيكي
احبك الذي احببتيني فيه
إرسال تعليق