السبت، 7 أغسطس 2010
في حب بريزه "ليله من ليالي الامتحانات"
قد يبدو اليك انها عشره قروش عاديه ولكنها ليس كذلك البته....هي "عشره" قروش في القيمه الماديه ولكنها "عشره" شهور بالنسبه الي......لكم انست وحدتي وهي بجواري علي ترابيزه المذاكره ولكم منحتني الفرصه للتفكير بها..... .
وحينا اخر اعبث بجدرانها لاخط عليها حروف اسمي .....اتخيل عظام الاذن الداخليه وكانها ماذن مسجد محمد علي التي يمتليء بها ظهرها....انظرالي تاريخ صكها فيذكرني بتاريخ ولاده اخي الاكبر(ولو علم ذلك لطير رقبتي!!)......اتخيل الكتابه بفتاه رقيقه تحتوي علي رقم10المحبب الي نفسي ويريحني عند النظر اليه واتخيل الملك رجلا شامخا كشموخ الماذن التي عليه.....
وحينها فقط افقت....
الاشتراك في:
تعليقات الرسالة (Atom)
هناك 7 تعليقات:
السلام عليكم
كل سنه وانتى طيبه
يااا كل ده فى البريزه
هههههه
يارب بس تكونى حليتى كويس
فى وقت المزكره الشديده الى بتكون قبل الامتحانات المخ بيفصل بيهنج بيتخيل حاجات ذى دى
انا قبل الامتحان كنت بشوف الحيطه اشكال رسومات
هههههههههه
كل سنه وانتى طيبه
ادعويكى للمشاركه فى مسابقه رمضان فى مدونتى المتواضعه
فاكرتينى ب ايام الامتحانات والذى مضى
فاكرتينى لما نمت فى اوضه الصالون وانا بذاكر ونمت وانا اعده مكانى
فاكرتينى لما كنت بعيط قبل كل امتحان
فاكرتينى لما كنت بنزل من البيت قبل معاد اللجنه بعشر دقايق وادخل اللجه متأخره علشان محدش يفضل يراجع معايا
ااااااااه يام ربنا يرحمنا منها
لانى بجد نفسى تنتهى على خير
وربنا يرزقنى بعشره قروش زى اللى معاكى بينى وبينك بقت عمله صاعبه دلوقتى ونادره الوجود
السلام عليكم
كل عام وانتي بكل خير وصحة وعافية ومبارك عليكم شهر رمضان ..
بالتوفيق ان شاء الله ..
بريزة بريزة المهم تنجحي ان شاء الله ..
ربنا يبارك فيكى يارب
وان شاء الله يوفقك وينجحك وبتوفيق عالى ان شاء الله
تحياااااااااااتى لكى
جزاكى الله كل خيرا
رمضان كريم
وكل عام وانتم بخير :)
جزاكم الله خيرا كثيرا ياجماعه اناالحمد لله
نجحت وجبت جيد جدا كمان
يلا ادعولي بقا ربنايسهلها السنه الجايه ان شاء الله
دمتم بود
أمال لو كان ربع جنيه مخروم كنتي عملتي إيه..
كنتي تخيلتي إن الفتحه اللي فيه طاقه بتبصي منها ع الجنه ، وإن حدوده هي سور الصين العظيم..
بجد بوست جميل
تسلم إيدك
إرسال تعليق